سوال: السلام علیکم، مفتی صاحب، اگر کوئی شخص کپڑے کا تاجر ہو، تو کیا اس پر ضروری ہے کہ وہ کپڑا فروخت کرتے وقت گاہک کو کپڑے میں موجود عیب کی نشان دہی کرے؟ کیونکہ میں نے ایک صاحب سے سنا ہے کہ انہوں نے کہا کہ وہ مسلمان نہیں جو اپنی چیز فروخت کرتے وقت اس کے عیب نہ بتائے، تو کیا دوکاندار کو کپڑے میں موجود عیب بتانا ضروری ہے؟

جواب: واضح رہے کہ ایک مسلمان تاجر کا اپنی تجارت میں یہی طریقہ ہونا چاہیے کہ گاہک کو اس چیز کا عیب بتا دے، یا کم از کم اس کے سامنے اس چیز کے عیوب سے براءت کا اظہار کر دے، تاکہ خریدار چیز لیتے وقت کسی قسم کے دھوکے میں نہ رہے۔