سوال:
میں جس مسجد میں عید کی نماز پڑھتا ہوں، وہاں عام طور پر عید کی نماز امام صاحب پڑھاتے ہیں، جبکہ عید کی نماز کا خطبہ امام صاحب کے بڑے بیٹے دیتے ہیں، سوال یہ ہے کہ کیا اس طرح کرنے سے عید کی نماز ادا ہوجائے گی؟
جواب: بہتر یہ ہے کہ جو شخص عید کی نماز پڑھائے، وہی شخص عید کا خطبہ بھی پڑھے، البتہ اگر عید کی نماز ایک شخص پڑھادے اور خطبہ دوسرا شخص پڑھے، تب بھی اس صورت میں عید کی نماز ہوجائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (162/2، ط: سعید)
(ولا ينبغي أن يصلي غير الخطيب) لأنهما كشیی واحد فإن فعل بأن خطب صبي بإذن السلطان وصلی بالغ جاز وھو المختار
الھندیة: (147/1، ط: رشیدیة)
ولا ينبغي أن يصلي غير الخطيب .
واللہ تعالٰی اعلم بالصواب
دارالافتاء الاخلاص،کراچی