سوال: مفتی صاحب ! عقیقے میں چھوٹا جانور کرسکتےہیں یا دو دانت کا ہونا ضروری ہے؟

جواب: واضح رہے کہ جس جانور کی قربانی جائز نہیں ہے، اس جانور کا عقیقہ بھی درست نہیں ہے، لہذا صورتِ مسئولہ میں اگر چھوٹے جانور سے مراد بکرا یا بکری ہے، تو قربانی کی طرح عقیقہ کے بکرے یا بکری کا پورے ایک سال کا ہونا ضروری ہے، اگر ایک دن بھی کم ہوگا، تو عقیقہ نہیں ہوگا۔
اور اگر دنبہ اور بھیڑ وغیرہ مراد ہے، تو وہ کم از کم چھ مہینے کا ہو، لیکن صحت اور فربہ ہونے میں سال بھر کا معلوم ہوتا ہو، تو اس کا بھی عقیقہ درست ہوگا۔
تاہم دو دانت ہونا عمر پوری ہونے کی علامت ہے، شرط نہیں ہے، لہذا عمر پوری ہونے کی صورت میں اگر دو دانت مکمل نہ نکلیں ہوں، تب بھی عقیقہ صحیح ہو جائے گا۔