سوال: میں نے بعض مقتدی حضرات کو دیکھا ہے کہ وہ ایک مسجد کے کونے میں بیٹھ کر با آواز بلند ذکر کرتے ہیں، کیا مسجد میں با آواز بلند ذکر کرسکتے ہیں؟

جواب: مسجد تمام مسلمانوں کی مشترکہ عبادت گاہ ہے، جو نماز، قرآن کریم کی تلاوت اور ذکر و اذکار وغیرہ کے لئے بنائی جاتی ہے، لہذا اس میں بلند آواز سے ذکر کرنا جائز ہے، البتہ ذکر اتنی بلند آواز سے ہو، جس سے نمازیوں کی نماز اور دیگر عبادات میں مشغول لوگوں کی عبادت میں خلل واقع نہ ہو۔