سوال: اگر کوئی قسم کھالے کہ میں اپنے خاوند کے پیسوں کی کوئی چیز استعمال نہیں کروں گی، پھر اس کا خاوند اس کیلئے کوئی چیز خریدے، تو کیا قسم میں حانث ہوگی؟

جواب: سوال میں ذکر کردہ صورت میں شوہر کا بیوی کے لیے کچھ خریدنے سے قسم نہیں ٹوٹے گی، جب تک بیوی اس چیز کو استعمال نہ کرلے، جب بیوی اس چیز کو استعمال کرے گی، تو قسم ٹوٹ جائے گی، اور بیوی پر اس قسم توڑنے کا کفارہ لازم ہوگا۔
قسم توڑنے کا کفارہ یہ ہے کہ دس مساکین کو صبح شام (دو وقت) پیٹ بھر کر کھانا کھلایا جائے یا دس مساکین میں سے ہر مسکین کو پونے دو کلو گندم یا اس کی قیمت دیدی جائے، یا دس مسکینوں کو ایک ایک جوڑا کپڑوں کا دیدیا جائے، اور اگر قسم کھانے والا غریب ہے اور مذکورہ امور میں سے کسی پر اس کو استطاعت نہیں ہے، تو پھر کفارہ قسم کی نیت سے مسلسل تین دن تک روزے رکھنے سے بھی قسم کا کفارہ ادا ہوجائے گا۔