سوال: مفتی صاحب! میرا ارادہ ہے کہ اجتماعی قربانی کے لیے دس جانور لاؤں اور ان میں اپنا نفع رکھ کر قربانی کی بکنگ کروں تو کیا میرے لیے یہ نفع لینا شرعاً جائز ہوگا؟

جواب: پوچھی گئی صورت میں اگر آپ پہلے اپنے پیسوں سے اپنے لیے جانور خرید کر ان کو اپنے قبضے میں لے لیں، اس کے بعد منافع رکھ کر اجتماعی قربانی میں حصہ لینے والوں پر فروخت کردیں تو اس میں شرعاً کوئی ممانعت نہیں ہے، اور اگر آپ جانور اپنے لیے نہیں خریدتے، بلکہ اجتماعی قربانی میں حصہ لینے والوں کے لیے بطورِ وکیل خریدتے ہیں تو اس صورت میں حصہ داروں کی اجازت کے بغیر آپ کے لیے جانور میں نفع رکھنا جائز نہیں ہے۔