سوال: نواور دس محرم کو لوگ حلیم وغیرہ کی دیگیں پکواتے ہیں کیا یہ جائز ہے، اگر جائز ہے تو کیا نیت کرکے پکوائی جائے؟

جواب: واضح رہے کہ خاص نو اور دس محرم الحرام ہی کو حلیم وغیرہ کی دیگیں پکوانا اور انہی دو دنوں میں اس عمل کو عبادت سمجھ کر اس کی تخصیص کرنا شرعاً ثابت نہیں ہے، اور اب جبکہ یہ اہل باطل کا شعار بن چکا ہےاور اس کا التزام کرنے میں اہل باطل کے ساتھ مشابہت بھی پائی جاتی ہے، لہذا اس عمل سے بچنا چاہیے، البتہ بعض روایات میں چونکہ دس محرم الحرام کو اپنے اہل وعیال پر کھانے پینے کی چیزوں میں وسعت کرنے کی صورت میں رزق کی کشادگی کا مضمون وارد ہے، لہذا اگر کوئی شخص اس نیت سے اپنے گھر والوں پر خرچ کرے تو کوئی حرج نہیں ہے۔