سوال: السلام علیکم، کیا مرحومین کی طرف سے قربانی کر سکتے ہیں؟ اور 1 ہی حصے سے 2 مرحوم کو ثواب دے سکتے ہیں؟ یا 2 مرحوم کا الگ الگ حصہ دینا ہو گا قربانی میں ؟

جواب: اپنے مرحومین کی طرف سے قربانی کرنا جائز ہے، اگر میت نے قربانی کرنے وصیت کی ہو، تو ہر ایک مرحوم کے لیے الگ الگ حصہ رکھنا ہوگا، اور اس کا گوشت فقراء پر صدقہ کرنا واجب ہے، خود کھانا جائز نہیں ہے، اور اگر اپنی طرف سے نفلی قربانی کرکے اس کا ثواب تمام مرحومین کو پہنچانا چاہے، تو یہ بھی درست ہے، اس صورت میں ایک حصہ کا ایصال ثواب کئی لوگوں کے لیے کیا جاسکتا ہے، اور گوشت کو خود بھی استعمال کیا جا سکتا ہے۔
روایات سے ثابت ہے کہ نبی اکرم ﷺ نے ایک قربانی کرکے اس کاثواب پوری امت کو بخشا تھا۔