سوال: السلام علیکم، مفتی صاحب! کیا کوئی عورت اپنے نام کے ساتھ اپنے شوہر کا نام لگا سکتی ہے؟ یا اپنے باپ کا نام ہی لگانا ضروری ہے؟

جواب: واضح رہے کہ عورت کے نام کے ساتھ والدکا نام لگے یا شوہر کا، درحقیقت مقصد اس سے تعارف اور شناخت ہوتی ہے، اور شناخت چونکہ ان دونوں طریقوں سے حاصل ہوتی ہے، لہذا عورت کا اپنے نام کے ساتھ شوہر کا نام لگانے میں کوئی حرج نہیں ہے۔
قرآن کریم میں بھی بعض عورتوں کا تعارف اللہ رب العزت نے ان کے شوہروں کے نام کے ساتھ کرایا ہے۔ قرآن کریم میں ذکر ہے:
اِمْرَاَةَ نُوْحٍ وَّ امْرَاَةَ لُوْطٍ، کَانتا تَحْتَ عَبْدَیْنِ مِنْ عِبَادِنَا صَالِحَیْنِ ﴾(التحریم:10)
ترجمہ:
یعنی حضرت نوح علیہ السلام کی بیوی اور حضرت لوط علیہ السلام کی بیوی۔الخ