سوال: مفتی صاحب ! نماز کا سلام پھیرنے کے بعد کی دعائیں ارشاد فرمادیں۔

جواب: نماز کا سلام پھیرنے کے بعد کی دعائیں
(1) لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، لَا حَوْلَ وَلَا قُوَّةَ إِلَّا بِاللهِ، لَا إِلَهَ إِلَّا اللهُ، وَلَا نَعْبُدُ إِلَّا إِيَّاهُ، لَهُ النِّعْمَةُ وَلَهُ الْفَضْلُ، وَلَهُ الثَّنَاءُ الْحَسَنُ، لَا إِلَهَ إِلَّا اللهُ مُخْلِصِينَ لَهُ الدِّينَ وَلَوْ كَرِهَ الْكَافِرُونَ۔
ترجمہ: اللہ کے سوا کوئی معبود نہیں ہے، وہ اکیلا ہے، اسکا کوئی شریک نہیں، اسی کی بادشاہی ہے، اور اسی کیلئے تعریفیں ہیں، اور وہ ہر چیز پر قادر ہے، برائی سے بچنے کی ہمت اور نیکی کرنے کی طاقت اللہ ہی کی توفیق سے ہے، اللہ کے سوا کوئی معبود نہیں، اور ہم صرف اسی کی عبادت کرتے ہیں، اسی کی طرف سے انعام ہے، اور اسی کے لیے فضل، اور اسی کے لیے بہترین ثناء ہے، اللہ کے سوا کوئی معبود نہیں، ہم اسی کے لیے بندگی کو خالص کرتے ہیں، چاہے کافروں کو کتنا برا لگے۔
(صحيح مسلم، بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ، رقم الحديث: 1343)
(2) اَللّٰهُمَّ أَعِنِّي عَلَى ذِكْرِكَ، وَشُكْرِكَ، وَحُسْنِ عِبَادَتِكَ۔
ترجمہ: اے اللہ ! میری اس بات پر مدد فرما کہ میں تیرا ذکر کر سکوں، تیرا شکر ادا کروں، اور تیری اچھی عبادت کروں۔
(السنن لابي داؤد، بَابٌ فِي الِاسْتِغْفَارِ، رقم الحديث: 1522)
فضیلت: حدیث شریف میں آتا ہے کہ آپ صلی اللہ علیہ وسلم نے حضرت معاذ رضی اللہ عنہ کا ہاتھ پکڑتے ہوئے فرمایا: اے معاذ ! مجھے تم سے محبت ہے، اے معاذ ! اس دعا کو کسی نماز کے بعد کبھی نہ چھوڑنا۔