سوال:
مفتی صاحب! دانین نام کا مطلب بتادیں، نیز اس کی بھی وضاحت فرمادیں کہ یہ نام رکھنا صحیح ہے یا نہیں؟
جواب: "دَانِيْن" عربی زبان كا لفظ ہے، جو "داني" کی جمع ہے، اس کا معنی: "بہت سے مرد جو قریب ہوں" ہے، اس معنیٰ کے اعتبار سے یہ نام رکھنا جائز ہے، تاہم بہتر یہ ہے کہ اس کے بجائے حضراتِ انبیائے کرام عليهم السلام يا صحابہ رضی اللہ عنہم کے ناموں میں سے کوئی نام یا کسی بھی اچھے معنیٰ والا نام رکھا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الكريم: (الرحمن، الآية: 54)
مُتَّكِئِينَ عَلَى فُرُشٍ بَطَائِنُهَا مِنْ إِسْتَبْرَقٍ وَجَنَى الْجَنَّتَيْنِ دَانٍ o
تفسير الجلالين: (ص: 712، ط: دار الحديث، القاهرة)
{وجنى الجنتين} ثمرهما {دان} قريب يناله القائم والقاعد والمضطجع.
جمع الجوامع: (رقم الحديث: 183/ 8873، ط: الأزهر الشريف، القاهرة)
"أَوَّلُ مَا يُنْحِلُ الرَّجُلُ وَلَدَهُ اسْمُهُ فَليُحْسِنْ اسْمَهُ".
واللہ تعالٰی اعلم بالصواب
دارالافتاء الاخلاص،کراچی