سوال: موبائل میں مرحوم بچہ کی تصاویر اور ویڈیوز کو محفوظ رکھنا اور اس کا دیکھنا کیسا ہے اور کیا مرحوم بچے پر اس کا اثر پڑے گا؟

جواب: واضح رہے کہ شریعت مطہرہ نے بلا عذر تین دن کے بعد میت کے اہل خانہ سے تعزیت کرنے کو پسندیدہ قرار نہیں دیا ہے، تاکہ اہل میت اپنا غم بھول جائیں اور ان کا غم دوبارہ تازہ نہ ہو، اس سے معلوم ہوا کہ کوئی بھی ایسا طریقہ اختیار کرنا جس سے مرحوم کا غم دیر تک باقی رہے، شرعاً ناپسندیدہ عمل ہے۔
چونکہ مرحوم بچے کی تصاویر اور ویڈیوز محفوظ رکھنے سے اس کے لواحقین کا غم برقرار رہے گا، لہذا اس سے اجتناب کرنا چاہیے، خصوصاً جبکہ بعض اہل علم کے نزدیک ڈیجیٹل تصاویر بھی حرام تصاویر میں داخل ہیں۔