سوال: سجدہ میں ہتھیلی گدے کے اوپر ہو اور انگلیاں نیچے زمین پر یعنی آدھا ہاتھ کسی اونچی چیز پر اور انگلیاں نیچے ہوں، کیا اس طرح سجدہ کرنے سے سجدہ ہوجائے گا کوئی خرابی تو نہیں آئے گی؟

جواب: سجدے کی حالت میں ہاتھ کی انگلیاں ملی ہوئیں اور قبلہ رخ ہونی چاہیے، البتہ ہاتھ کا کسی مستوی چیز پر سیدھا رکھنا سجدے کے صحیح ہونے کے لئے شرط نہیں ہے، لہذا سوال میں پوچھی گئی صورت میں اگر سجدے کی حالت میں ہتھیلی کسی اونچی چیز (مثلاً جائے نماز یا قالین وغیرہ) پر ہو، اور انگلیاں نیچے زمین پر ہوں تو اس سے سجدہ ادا ہو جائے گا۔