سوال: اگر خلیجی ممالک میں Driving License کے حصول میں ڈرائیونگ ٹیسٹ میں بار بار fail ہورہے ہوں، جبکہ آپ کو ڈرائیونگ بھی آتی ہو اور آپ اس ملک کے Driving School سے مکمل classes بھی لے چکے ہوں تو کیا کسی شخص کو پیسے دیکر Driving License نکلوانے کی گنجائش ہے؟

جواب: ڈرائیونگ لائسنس بنوانے کے لیے رشوت دینا ناجائز ہے، ہماری معلومات کے مطابق خلیجی ممالک میں عام طور پر لائسنس کے لیے مطلوبہ اہلیت والے افراد اگر امتحان پاس کرلیں تو ان کا لائسنس بن جاتا ہے، اور اس سلسلے میں محض رشوت کی بنیاد پر ناحق رکاوٹ پیدا نہیں کیجاتی ہے، اس لیے آپ پر لازم ہے کہ پیسے دے کر لائسنس بنوانے سے اجتناب کریں اور قانونی طریقہ کے مطابق لائسنس حاصل کریں۔