سوال:
لڑکی کا نام ہالہ نور یا مشکوٰۃ رکھنا کیسا ہے؟
جواب: ۱) "ہالہ" صحابیہ کا نام ہے، یہ ام المومنین حضرت خدیجہ بنت خویلد رضی اللہ عنہھا کی بہن کا نام تھا، جس کا معنی ہے: ’’چاند کا دائرہ، یا روشنی کا وہ دائرہ جس نے کسی آسمانی جسم (ستارے وغیرہ) کا احاطہ کیا ہوا ہو‘‘، لہذا "ہالہ" نام رکھنا درست ہے، اور اس کے ساتھ لفظ "نور" کا اضافہ کرنے میں بھی کوئی حرج نہیں ہے۔
۲) لفظِ "مشکوٰۃ/ مشکاۃ" عربی زبان کا لفظ ہے، جس کا معنی ہے: "طاق، چراغ رکھنے کی جگہ، چراغ دان"، لہذا لڑکی کا نام "مشکوۃ/ مشکاۃ" رکھنا درست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحيح البخاري: (رقم الحدیث: 3821، ط: دار طوق النجاۃ)
عن عائشة رضي الله عنها قالت: استأذنت هالة بنت خويلد، أخت خديجة، على رسول الله صلى الله عليه وسلم، فعرف استئذان خديجة فارتاع لذلك، فقال: (اللهم هالة).
المعجم الوسيط: (1000/2، ط: دار الدعوة)
( الهالة ) دارة القمر أو دائرة من الضوء تحيط بجرم سماوي۔
سنن أبي داود: (رقم الحدیث: 4949، ط: دار الرسالة العالمية)
حدثنا عمرو بن عون، أخبرنا وحدثنا مسدد، حدثنا هشيم، عن داود بن عمرو، عن عبد الله بن أبي زكريا عن أبي الدرداء، قال: قال رسول الله صلى الله عليه وسلم: "إنكم تدعون يوم القيامة باسمائكم وأسماء آبائكم، فاحسنوا أسماءكم"
مصباح اللغات: (ص: 415، ط: خزینة علم و ادب)
المشکاة: طاق، چراغ رکھنے کی جگہ، چراغ
واللہ تعالٰی اعلم بالصواب
دارالافتاء الاخلاص،کراچی