سوال:
السلام علیکم ورحمۃ اللہ، مفتی صاحب ! اگر سفر میں ہوں اور نماز جماعت سے ادا کرنی ہو، تو کیا دو ساتھی بھی جماعت کراسکتے ہیں؟ اور اگر مقام پر بھی کسی عذر کی وجہ سے جماعت نکل جائے، تو دو لوگوں کی جماعت کا کیا حکم ہے؟
جواب: سفر اور حضر میں دو آدمیوں کی جماعت ہو سکتی ہے، اس کی صورت یہ ہوگی کہ ایک امام بنے اور دوسرا مقتدی، البتہ مقتدی امام کے دائیں جانب کھڑا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (83/1، ط: دار الفکر)
إذا زاد على الواحد في غير الجمعة فهو جماعة وإن كان معه صبي عاقل. كذا في السراجية
و فیھا ایضا: (88/1، ط: دار الفکر)
إذا كان مع الإمام رجل واحد أو صبي يعقل الصلاة قام عن يمينه وهو المختار ولا يتأخر عن الإمام في ظاهر الرواية.
واللہ تعالٰی اعلم بالصواب
دارالافتاء الاخلاص،کراچی