سوال:
جناب مفتی صاحب ! کیا التحیات میں درود شریف اور دعا پڑھنے کے بعد اور سلام سے پہلے کوئی اور عربی دعا پڑھ سکتے ہیں، مثلاً بسم اللہ الذی لا یضر...... علیم، یا اللھم عافنی فی بدنی....... الا انت، یا المعطی ھو اللہ یا ھو الشافی انت شافی وغیرہ؟
جواب: کسی بھی نماز میں سلام پھیرنے سے پہلے التحیات ودرود شریف کے بعد کوئی بھی مسنون و ماثور دعا پڑھنا جائز ہے، البتہ اس سلسلے میں بہتر یہ ہے کہ وہ دعا پڑھی جائے، جو آنحضرت ﷺ سے اس موقع پر پڑھنا ثابت ہو، جیسے : "اللہم إنی ظلمت نفسی ۔۔۔۔ الخ وغیرہ۔
تاہم دیگر ماثور و منقول دعائیں بھی پڑھی جاسکتی ہیں، نیز استغفار پڑھنا بھی درست ہے۔ مگر امام کو چاہیے کہ طویل دعا پڑھنے سے احتیاط کرے،تاکہ مقتدیوں کے لیے تاخیر کی وجہ سے گرانی نہ ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (233/2، ط: زکریا)
" ودعا بالعربیة.... بالأدعیة المذکورة في القرآن والسنذة لا بما یشبہ کلام النّاس ....الخ".
واللہ تعالٰی اعلم بالصواب
دارالافتاء الاخلاص،کراچی