سوال: میرا سوال یہ ہے کہ کیا ہم نماز فجر کے بعد سجدہ کر سکتے ہیں، سر کو فرش پر رکھ کر نماز پڑھ سکتے ہیں یا کوئی دعا پڑھ سکتے ہیں؟ آپ کی رہنمائی کی ضرورت ہے۔

جواب: فجر کی نماز کے بعد نفل نماز پڑھنے سے منع کیا گیا ہے، جبکہ خالی دعا کے لیے سجدہ کرنا چونکہ نماز کے حکم میں نہیں ہے، اس لیے یہ ممنوع نہیں ہے، تاہم واضح رہے کہ دعا کرنے کے لیے سجدہ کرنے کو "سجدہ مناجات" کہا جاتا ہے، جو حضور ﷺ سے ثابت نہیں ہے، اس لیے اسے بعض علماء نے مکروہ قرار دیا ہے۔ رسول اللہ ﷺ سے جو روایات سجدہ میں دعا کرنے سے متعلق وارد ہوئی ہیں، وہ نفل نماز میں سجدہ کے اندر دعا مانگنے سے متعلق ہیں، لہٰذا نماز كے بغیر سجدہ کرکے دعا مانگنے کی عادت بنالینا مناسب نہیں ہے۔