سوال: ایک طالب علم کا اپنے استاد سے کس حد تک تعلق ہونا چاہیے، جبکہ استاد لیڈیز ہو اور طالب علم مرد ہو؟

جواب: واضح رہے کہ نامحرم مردوں اور عورتوں کو آپس میں اختلاط کرنے سے پرہیز کا شریعت نے تاکید سے حکم دیا ہے، لہذا خاص طور پر اس طرح کا معمول بنا لینا کہ جس میں نامحرم خواتین کے ساتھ مستقل میل جول ہو، ( خواہ استاد شاگرد کے تعلق کی صورت میں ہو ) جیسا کہ عصری تعلیمی اداروں کے مخلوط ماحول میں عام طور پر ایسا ہوتا ہے۔
اس سلسلے میں حکومتِ وقت کی یہ ذمہ داری ہے کہ غیر مخلوط تعلیمی ادارے قائم کرے، تاکہ احکامِ شریعت کی رعایت کے ساتھ تعلیم کا حصول ہو سکے۔
بہر کیف بغیر شدید ضرورت کے نامحرم استانی سے، نوجوان لڑکوں کا علم حاصل کرنا جائز نہیں ہے، لیکن جہاں ایسی مجبوری ہو کہ کسی ضروری علم مثلا طب اور حساب وغیرہ کا حصول بغیر نامحرم استاد کے ممکن نہ ہو، تو ایسی صورت میں حتی الامکان پردے کے حدود کی رعایت اور نظروں کی حفاظت کرتے ہوئے علم کے حصول کی گنجائش ہے۔
تاہم یہ گنجائش ضرورت کی حد تک محدود رہنی چاہیے، لہذا آپس میں بے تکلفی سے اجتناب کرنا چاہیے، جہاں فتنے میں مبتلا ہونے اور گناہ کا اندیشہ ہو تو پھر اس گنجائش کا سہارہ نہیں لیا جا سکتا۔