سوال: اگر دوران سفر قبلہ رخ کا اندازہ نہ ہو اور نماز کا وقت بھی کم ہو (جیسا کہ فجر کی نماز) تو اس وقت قبلہ رخ نماز پڑھنے کے حوالہ سے شریعت کا کیا حکم ہے؟

جواب: ٹرین میں بھی نماز پڑھتے ہوئے قبلہ رخ ہونا شرط ہے، چاہے وقت زیادہ ہو یا کم، پوری کوشش کرکے درست سمتِ قبلہ ( خواہ کسی سے پوچھ کر یا جدید مستند آلات کے ذریعے )معلوم کر کے نماز پڑھنی چاہیے۔ ٹرین میں قبلہ رخ نماز شروع کرنے کے بعد اگر ٹرین کا رخ قبلہ رخ سے ہٹ جائے تو نمازی بھی اپنا رخ قبلہ کی طرف پھیرلے، لیکن اگر نمازی قبلہ رخ نہ پھرا یا لوگوں کے ہجوم کی وجہ سے دورانِ نماز قبلہ رخ ہونا مشکل و دشوار ہو تو اس وقت اس نماز کومکمل کرلے، البتہ بعد میں اس نماز کا اعادہ کرنا لازم ہوگا۔