سوال:
السلام علیکم، مفتی صاحب ! نمازوں میں سورۃ الفاتحہ کے بعد جو سورتیں پڑھیں جاتی ہیں، انکی ترتیب کے بارے میں کچھ وضاحت فرمادیں۔ کیا کچھ ایسی ممانعت ہے کہ ایک سورت چھوڑنے کے بعد ایک سورت نہیں پڑھ سکتے ہیں۔ مثلاً پہلی رکعت میں سورت فیل اور دوسری رکعت میں الماعون نہیں پڑھ سکتے ہیں ؟ جزاک اللہ
جواب: فرض نماز میں سورتوں كی ترتیب كی رعایت كرتے ہوئے تلاوت كرنی چاہیے، فرض نماز میں خلاف ترتیب سورت پڑھنا یا بیچ میں چھوٹی سورت كا فصل كردینا مكروہ ہے، البتہ نماز ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (546/1)
"ويكره الفصل بسورة قصيرة وأن يقرأ منكوساً، إلا إذا ختم فيقرأ من البقرة. وفي القنية: قرأ في الأولى "الكافرون" وفي الثانية "ألم تر" أو " تبت" ، ثم ذكر يتم، وقيل: يقطع ويبدأ، ولا يكره في النفل شيء من ذلك۔
واللہ تعالٰی اعلم بالصواب
دارالافتاء الاخلاص،کراچی