سوال:
السلام علیکم، مفتی صاحب!
رہنمائی فرمائیں کہ عشاء کی نماز اگر چھوٹ جائے، تو اسکی قضا کس وقت پڑھی جائے، فجر سے پہلے یا بعد میں؟
جواب: واضح رہے کہ کوئی بھی قضاء نماز طلوع آفتاب، زوال اور غروب آفتاب کے علاوہ کسی بھی وقت ادا کی جاسکتی ہے، لہذا عشاء کی قضاء نماز فجر کی نماز سے پہلے یا طلوع آفتاب کے بعد ادا کی جا سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (باب قضاء الفوائت، 524/2)
"وجمیع أوقات العمر وقت القضاء إلا الثلاثة المنھیة ..الخ
قولہ:”إلا الثلاثة المنھیة“:وھي الطلوع والاستواء والغروب".
واللہ تعالٰی اعلم بالصواب
دارالافتاء الاخلاص،کراچی