سوال:
کسی کی 2 رکعت نکل گئی ہوں، وہ غلطی سے امام کے ساتھ سلام پھیر لے، لیکن فوراً ہی یاد آجانے پر وہ واپس ہوجائے، اور نماز پوری کرلے تو کیا اس پر سجدہ سہو واجب ہوگا ؟
جواب: اگر مسبوق امام سے پہلے یا امام کے بالکل ساتھ سلام پھیر دے (جیسا کہ عموماََ ہوتا نہیں ہے) تو مسبوق پر سجدہ سہو نہیں ہوگا، اور اگر غلطی سے امام کے سلام پھیرنے کے بعد سلام پھیرے، تو اس پر سجدہ سہو واجب ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (82/2)
قوله: والمسبوق يسجد مع إمامه) قيد بالسجود؛ لأنه لايتابعه في السلام، بل يسجد معه ويتشهد فإذا سلم الإمام قام إلى القضاء، فإن سلم فإن كان عامداً فسدت وإلا لا، ولا سجود عليه إن سلم سهواً قبل الإمام أو معه؛ وإن سلم بعده لزمه لكونه منفرداً حينئذ، بحر، وأراد بالمعية المقارنة وهو نادر الوقوع كما في شرح المنية. وفيه: ولو سلم على ظن أن عليه أن يسلم فهو سلام عمد يمنع البناء".
واللہ تعالٰی اعلم بالصواب
دارالافتاء الاخلاص،کراچی