سوال:
ایک لڑکی نے جادو کے زیر اثر کسی لڑکے پر تہمت لگادی، تو کیا جادو کے زیر اثر ہونے والا گناہ انسان کے اوپر ہوتا ہے؟
وہ تو بے بس ہوتا ہے، پِھر بھی وہ ذمہ دار ہو گا؟
جواب: اگر جادو کا تسلط ایسا ہے کہ وہ اچھے برے میں کوئی تمیز نہیں کر پاتی، آسمان وزمین کے درمیان بھی امتیاز نہیں کرسکتی تو ایسی حالت میں یہ لڑکی معذور شمار کی جائے گی، اور اس کی لگائی ہوئی تہمت بھی معتبر نہیں ہوگی، اور اس پر تہمت لگانے کا گناہ بھی نہیں ہوگا، اگر یہ کیفیت اس قدر نہیں ہو، بلکہ ہوش وحواس صحیح رہتے ہوں اور اس حالت میں تہمت لگائی ہو تو تہمت لگانے کا گناہ ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الدارمی: (1477/3، ط: دار المغنی)
عن النبي صلى الله عليه وسلم قال: " رفع القلم عن ثلاثة: عن النائم حتى يستيقظ، وعن الصغير حتى يحتلم، وعن المجنون حتى يعقل " وقد قال حماد: أيضا وعن المعتوه حتى يعقل
کنز العمال: (رقم الحدیث: 8810، 802/3)
عن علي قال: البهتان على البراء أثقل من السموات. الحكيم''.
واللہ تعالٰی اعلم بالصواب
دارالافتاء الاخلاص،کراچی