سوال: حضرت ! اوابین کی کتنی رکعات ہیں؟ اس کا وقت کب سے شروع ہوتا ہے اور کب تک رہتا ہے؟ نیز اس کی فضیلت بھی بتادیں۔

جواب: "صلوۃ الاوابین" کا وقت مغرب کی نماز سے فارغ ہونے کے بعد سے لے کر عشاء کا وقت داخل ہونے تک ہے۔اوابین میں کم ازکم چھ رکعت اور زیادہ سے زیادہ بیس رکعت ہیں۔
اوابین کے فضائل:
عن أبي هريرة قال: قال رسول الله صلى الله عليه وسلم: من صلى بعد المغرب ست ركعات لم يتكلم فيما بينهن بسوء عدلن له بعبادة ثنتي عشرة سنةً". (الترمذی،1/ 559)
یعنی جو شخص مغرب کے بعد چھ رکعات (نفل) ادا کرے اور ان کے درمیان کوئی بری بات نہ کرے تو یہ بارہ سال کی عبادت کے برابر شمار ہوں گی۔
عن عائشۃ عن النبی صلی اللہ علیہ وسلم قال مَن صلَّى بينَ المغربِ والعِشاءِ عشرينَ رَكْعةً بنى اللَّهُ لَه بيتًا في الجنَّةِ(وایضاً فی الترمذی:98/1)
ترجمہ: جس نے مغرب اور عشاء کے درمیان بیس رکعت نماز ادا کی اللہ اس کے لئے جنت میں ایک گھر بنائے گا۔