سوال: مفتی صاحب ! یہ بتائیں کہ اگر گھر پر نماز پڑھتے ہوئے بچہ سامنے آئے، کھیلے، نمازی کے کپڑے کھینچے اور سجدے میں اُوپر چڑھ جائے تو ایسی صورت میں کیا شرعی حکم ہے؟

جواب: بچہ اگر پاک ہے اور قریب میں کوئی ایسا شخص نہیں ہے جو بچے کو نمازی سے دور کر دے، ایسی صورت میں نماز پڑھنے والے کو چاہیے کہ سجدہ کرنے یا سجدے سے اٹھتے ہوئے بچے کو جلدی سے ہٹالیا کرے تو اس طرح کرنے سے نماز ہو جائے گی، بشرطیکہ بچے کو ہٹانے میں زیادہ دیر نہ لگائی جائے، ورنہ عمل کثیر ہونے کی وجہ سے نماز فاسد ہونے کا اندیشہ ہے۔