سوال:
حضرت سوال یہ پوچھنا تھا کہ تصویر والے کپڑے بچوں کو پہنانے کے حوالے سے تو آپ بتا چکے ہیں تو کیا جو پیمپرز آتے ہیں، وہ بھی نہیں پہنا سکتے ؟
میں نے کل دیکھا پیمپر میں بھی تصویر بنی ہوئی ہے۔
جواب: کسی بھی جاندار کی تصویر والے کپڑے بچوں کو پہنانا، مکروہ ہے اور پیمپر بھی اس حکم میں شامل ہے، لہذا اگر بغیر تصویر کے پیمپر مل جائے تو بہتر ہے، لیکن اگر تصویر کے بغیر پیمپر نہ ملے تو تصویر والا پیمپر پہنانے کی گنجائش ہے، کیونکہ تصویر شلوار وغیرہ میں چھپ جاتی ہے اور پیمپر پر بنی تصویر مھان بھی ہے(اس کی اھانت ہوتی ہے)،اس لیے اس کی گنجائش ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (مطلب مكروهات الصلاة، 647/1، ط: دار الفکر)
(۔۔و) لا يكره (لو كانت تحت قدميه) أو محل جلوسه لأنها مهانة
"قال في البحر: وفي الخلاصة: وتكره التصاوير على الثوب صلى فيه أو لا، انتهى. وهذه الكراهة تحريمية. وظاهر كلام النووي في شرح مسلم: الإجماع على تحريم تصوير الحيوان، وقال: وسواء صنعه لما يمتهن أو لغيره، فصنعته حرام بكل حال؛ لأن فيه مضاهاةً لخلق الله تعالى، وسواء كان في ثوب أو بساط أو درهم وإناء وحائط وغيرها اه"۔۔۔۔۔ولو كانت الصورة صغيرة كالتي على الدرهم أو كانت في اليد أو مستترة أو مهانة مع أن الصلاة بذلك لا تحرم، بل ولا تكره
واللہ تعالٰی اعلم بالصواب
دارالافتاء الاخلاص،کراچی