سوال:
حضرت ! کچھ دن پہلے یہ صورت پیش آئی کہ مسافر شخص کو امامت کیلئے کہا گیا، امام نے چار رکعت کی نیت کی اور چار پڑھا بھی دیں، پِھر امام نے قضا ہونے سے پہلے 2 رَکْعَت اپنی سفری نماز ادا کرلی۔ کیا مقتدی جو تقریباً 50 / 60 تھے، ان کی نماز ہو گئی؟ ان میں سے کسی سے بھی اب ملاقات ممکن نہیں ہے۔
جواب: صورت مسئولہ میں امام پر ضروری ہے کہ مقتدیوں میں سے جتنے لوگ مل سکیں، ان کو نماز کے فاسد ہونے کی اطلاع دے، ورنہ وہ گنہگار ہوگا اور جو مقتدی چلے گئے اور ان کو اطلاع دینے کی کوئی صورت نہیں ہے، ان کے بارے میں اللہ تعالیٰ سے مغفرت کی دعا کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (591/1، ط: دار الفکر)
کمایلزم الإمام إخبار القوم إذا أمہم وہو محدث أو بالقدر الممکن بکتاب أو رسول علی الأصح
واللہ تعالٰی اعلم بالصواب
دارالافتاء الاخلاص،کراچی