سوال:
محترم مفتی صاحب! میرا ایک سوال ہے کہ آن لائن منی ایکسچینج (money exchange) کے کاروبار ( جس کی صورت یہ ہے کہ آن لائن پر ریٹ فکسڈ (fixed) رہتا ہے اور اس ریٹ پر ڈالرز (dollar) بھیجا جاتا ہے، پھر اس کو کنورٹ (convert) کر کے اکاؤنٹ میں بھیجا جاتا ہے) تو یہ جائز ہے کہ نہیں؟ براہ کرم جلد جواب دیکر مشکور فرمائیں۔
جواب: واضح رہے کہ کرنسی کے باہمی تبادلے کے وقت شرعاً ضروری ہے کہ دونوں طرف سے کرنسیاں ادھار نہ ہوں، بلکہ معاملہ کرتے وقت دونوں جانب یا کم از کم ایک جانب کی کرنسی پر قبضہ کرلیا جائے۔ منی ایکسچینج کے آن لائن کاروبار میں عموماً دونوں جانب سے کرنسی ادھار ہوتی ہیں، نیز بعض صورتوں میں صرف آن لائن سودے ہوتے ہیں، اور کرنسی پر قبضہ کرنا مقصود بھی نہیں ہوتا، محض مارکیٹ انڈیکس کے فرق سے نفع بنایا جاتا ہے، لہذا آن لائن کرنسیوں میں مجلس عقد میں کسی ایک کرنسی پر قبضہ کی شرط نہ پائے جانے کی وجہ سے ایسا کاروبار شرعاً درست نہیں، اس سے اجتناب لازم ہے۔
۔۔۔۔۔۔۔۔۔۔۔۔۔۔۔۔
دلائل:
تكملة فتح الملهم:"(حكم الأوراق النقدية، 589/1-590، ط:دار العلوم کراچی)
"وأما الأوراق النقدية وهي التي تسمى "نوت"......فالذين يعتبرونها سندات دين، ينبغي أن لا يجوز عندهم مبادلة بعضها ببعض أصلا، لاستلزام بيع الدين بالدين، ولكن قدمنا هناك أن المختار عندنا قول من يجعلها أثمانا، وحينئذ نجرى عليها أحكام الفلوس النافقةسواء بسواء وقدمنا آنفا أن مبادلة الفلوس بجنسها لايجوز بالتفاضل عند محمد رحمة الله ينبغى أن يفتى بهذا القول في هذا الزمان سدا لباب الربا ،وعليه فلايجوز مبادلة الأوراق النقدية بجنسها متفاضلا، ويجوز إذا كانت متماثلا.....وأما العملة الأجنبية من الأوراق فهي جنس آخر، فيجوز بالتفاضل، فيجوز بيع ثلاث ربيات باكستانية بريال واحد سعودى
الدر المختار مع الرد:باب الربا، 179/5، ط. دارالفكر)
(باع فلوسا بمثلها أو بدراهم أو بدنانير، فإن نقد أحدهما جاز) وإن تفرقا بلا قبض أحدهما لم يجز
فتاوی جامعة العلوم الاسلامیة بنوری ٹاؤن، کراچی:(رقم الفتوی :144110200140)
واللہ تعالی اعلم بالصواب
دارالافتاء الاخلاص،کراچی