سوال:
مفتی صاحب! آنکھوں میں سرمہ لگانے کا مسنون طریقہ کیا ہے؟ رہنمائی فرمائیں۔
جواب: آنکھوں میں سرمہ لگانا مسنون ہے، چنانچہ حضور اکرم صلی اللہ علیہ وسلم نے ارشاد فرمایا: "اثمد (ایک خاص قسم کا سرمہ جو سرخی مائل ہوتا ہے) کا سُرمہ آنکھوں میں لگایا کرو، اس لیے کہ وہ آنکھوں کی روشنی بھی تیز کرتا ہے اور پلکیں بھی زیادہ اُگاتا ہے۔ (سنن الترمذي: رقم الحیث: 1757،ط:دار الغرب الإسلامي)
آنکھوں میں سرمہ لگانے کا مسنون طریقہ یہ ہے کہ ہر آنکھ میں تین سلائی سرمہ لگایا جائے، چنانچہ حضرت ابن عباس رضی اللہ عنہ کہتے تھے کہ حضور صلی اللہ علیہ وسلم کے پاس ایک سرمہ دانی تھی، جس میں سے تین تین سلائی ہر رات کو آنکھوں میں لگایا کرتے تھے۔ (سنن الترمذي: رقم الحدیث:699،ط: دار الغرب الإسلامي)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن الترمذي: (رقم الحدیث: 1757، 361/3، ط: دار الغرب الإسلامي)
حدثنا محمد بن حميد، قال: حدثنا أبو داود الطيالسي ، عن عباد بن منصور، عن عكرمة ، عن ابن عباس أن النبي صلى الله عليه وسلم قال: اكتحلوا بالإثمد؛ فإنه يجلو البصر وينبت الشعر، وزعم أن النبي صلى الله عليه وسلم كانت له مكحلة يكتحل بها كل ليلة ثلاثة في هذه وثلاثة في هذه۔
و فیه أیضا: (رقم الحدیث: 1757، 361/3، ط: دار الغرب الإسلامي)
وقد روي من غير وجه عن النبي صلى الله عليه وسلم أنه قال: عليكم بالإثمد فإنه يجلو البصر وينبت الشعر.
واللّٰه تعالٰی اعلم بالصواب
دارالافتاء الاخلاص،کراچی