سوال: السلام علیکم، مفتی صاحب! میرے چچا زاد بھائی سعودی عرب میں رہتے ہیں، ان کا مندرجہ ذیل سوال ہے: انکا کہنا ہے کہ میں سعودی عرب میں جب سفر کرتا ہوں تو دوران سفر نماز کا وقت ہوتا ہے، تو ہم کسی مسجد میں نماز پڑھنے رک جاتے ہیں، تو اکثر اوقات مسجد کے پیش امام بغیر داڑھی والے ہوتے ہیں، جیسے کے میرے چچا زاد بھائی کی داڑھی ہے، تو انکا سوال ہے کہ کیا میری نماز بغیر داڑھی والے امام کے پیچھے ہوتی ہے؟

جواب: داڑھی منڈانے والے شخص کا امامت کرانا مکروہ تحریمی ہے، تاہم داڑھی منڈے کی اقتدا میں نماز ادا ہوجائے گی، اور جماعت ترک کرنے کی بنسبت اس کی اقتدا میں باجماعت نماز ادا کرنا زیادہ بہتر ہے۔