سوال: مفتی صاحب! اگر مؤذن فجر کی اذان میں "الصلاۃ خیر من النوم" کہنا بھول جائے تو کیا فجر کی اذان ہو جائے گی یا دوبارہ دینی پڑے گی؟

جواب: واضح رہے کہ فجر کی اذان میں "الصلاۃ خیر من النوم" کہنا مستحب ہے، لہذا اگر کبھی بھول کر رہ جائے تو فوراً یاد آنے پر بہتر یہ ہے کہ ان کلمات کو دہرانے کے بعد اس کے بعد والے کلمات بھی دہرالیے جائیں، البتہ اگر اذان ہوجانے کے کافی دیر بعد یاد آئے تو ایسی صورت میں ان کلمات کو نہ دہرائے، اذان ہوجائے گی۔