سوال:
السلام علیکم ورحمۃ اللہ وبرکاتہ، مفتی صاحب! بعض لوگ ایک بنیان اور ایک پاجامے یا دھوتی میں نماز پڑھ لیتے ہیں، کیا اس طرح کے کپڑوں میں نماز پڑھنا صحیح ہے؟
جواب: واضح رہے کہ نماز خدا وحدہٗ لاشریک کی بارگاہ میں حاضری ہے، اس لیے نماز کے وقت اچھے کپڑے پہننے چاہئیں، جن کپڑوں کو پہن کر انسان کسی عام محفل میں نہ جاسکے، ایسے کپڑوں میں نماز پڑھنا مکروہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (الاعراف، الآیۃ: 31)
یٰبَنِیْاٰدَمَ خُذُوْا زِیْنَتَکُمْ عِنْدَ کُلِّ مَسْجِدٍ وَّ کُلُوْا وَ اشْرَبُوْا وَ لَا تُسْرِفُوْا ۚ اِنَّہٗ لَا یُحِبُّ الْمُسْرِفِیْنَo
مجمع الانھر:(باب ما یفسد الصلاۃ و ما یکرہ فیہا، 187/1)
وفي ثیاب البذلۃ (أي کرہ الصلاۃ فیہا) وہي ما یلبس في البیت ولا یذہب بہ إلی الأکابر؛ لأنہا لا تخلوا عن النجاسۃ القلیلۃ، وعن الأوساخ الکریہۃ۔
واللہ تعالٰی اعلم بالصواب
دارالافتاء الاخلاص،کراچی