سوال:
مفتی صاحب! میں نے ایک دفعہ عید کے موقع پر کسی دکان سے کپڑے چوری کیے تھے اور انہی کپڑوں میں عید کی نماز بھی پڑھی تھی تو کیا میری نماز ہوگئی تھی؟
جواب: واضح رہے کہ چوری کے کپڑوں میں نماز پڑھنا مکروہ تحریمی ہے، البتہ ایسے کپڑوں میں نماز کراہت کے ساتھ ادا ہو جاتی ہے، تاہم آئندہ کے لیے ایسے کپڑوں میں نماز پڑھنے سے اجتناب کرنا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
حاشیہ الطحطاوی: (کتاب الصلاۃ، فصل في المکروہات، ص: 197)
وتکرہ الصلاۃ في الثوب المغصوب، وإن لم یجد غیرہ لعدم جواز الانتفاع بملک الغیر قبل الإذن وأداء الضمان۔
واللہ تعالٰی اعلم بالصواب
دارالافتاء الاخلاص،کراچی