سوال: السلام علیکم، مفتی صاحب! اگر امام دوران قراءت جہری نماز میں ہچکیوں کے ساتھ رونے لگے، اور ساری نماز میں یہی کیفیت ہو، تو ایسی صورت میں نماز میں کسی قسم کا کوئی نقص واقع ہوتا ہے یا نہیں؟

جواب: واضح رہے کہ اگر نماز میں بلند آواز سے رونا خوف آخرت یا حق تعالیٰ شانہ کی عظمت کی وجہ سے ہو، تو نماز میں کوئی نقص نہیں آئے گا، البتہ اگر رونا کسی دنیاوی حادثے کی وجہ سے ہو، یا کسی دکھ درد کی وجہ سے ہو، تو اس سے نماز ٹوٹ جائے گی۔