سوال:
لائن کا پانی ایک دن چھوڑ کر آتا ہے جس دن آتا ہے اس دن لائٹ جاتی ہے جس کی وجہ سے جنریٹر لگاکر رات میں پانی بھرتے ہیں۔
اس ضمن میں سوال یہ ہے کہ حرام پیسوں کے پیٹرول سے جنریٹر چلا کر جو پانی بھرا جائے تو وہ پانی پینے کے لیے حلال ہوگا یا حرام ہوگا؟
جواب: پوچھی گئی صورت میں مذکورہ پانی کے استعمال کی گنجائش تو ہوگی، لیکن حرام مال کو چونکہ اپنی کسی ضرورت میں خرچ کرنا جائز نہیں ہوتا، لہذا جنریٹر کے لیے تیل کا انتظام حلال مال سے کرنا لازم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
الدلائل:
سنن أبي داؤد: (59/1، رقم الحديث: 66، ط: دار الرسالة العالمية)
عن أبي سعيد الخدري: أنه قيل لرسول الله- صلى الله عليه وسلم -: أنتوضأ من بئر بضاعة -وهي بئر يطرح فيها الحيض ولحم الكلاب والنتن-؟ فقال رسول الله - صلى الله عليه وسلم -: "الماء طهور لا ينجسه شيء".
واللّٰه تعالٰی اعلم بالصواب
دارالافتاء الاخلاص، کراچی