عنوان:
اوقات ممنوعہ میں نماز پڑھنا(3190-No)
سوال:
مفتی صاحب! قضاء نماز یا نفل نماز ادا کرنے کے مکروہ اوقات کون سے ہیں؟
جواب: واضح رہے کہ عین طلوعِ آفتاب کے وقت، نصف النہار یعنی زوال کے وقت اورعین غروبِ آفتاب کے وقت ہر قسم کی نماز پڑھنا ممنوع ہے،جبکہ ان اوقات کے علاوہ مزید دو اوقات ایسے ہیں، جن میں صرف نفل نماز پڑھنا مکروہ تحریمی ہے:(۱)صبح صادق سے طلوع آفتاب تک (یعنی نمازِ فجر کا وقت شروع ہونے سے لے کر اشراق کا وقت ہونے تک) (۲)عصر کی نماز ادا کرنے کے بعد سے غروبِ آفتاب تک، ان دو اوقات میں صرف نفل نماز پڑھنا مکروہ تحریمی ہے، جبکہ فرائض کی قضاء پڑھ سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح مسلم: (باب الأوقات التي نهي عن الصلاة فیها، رقم الحدیث: 831)
عن عقبة بن عامر الجهني رضي اللّٰه عنه یقول: ثلاث ساعات کان رسول اللّٰه صلی اللّٰه علیه وسلم نهانا أن نصلي فیهن: حین تطلع الشمس بازغةً حتی ترتفع، وحین یقوم قائم الظهیرة حتی تمیل الشمس، وحین تضیف الشمس للغروب حتی تغرب".
الدر المختار: (370/1، ط: دار الفکر)
''(وكره) تحريماً...(صلاة) مطلقاً (ولو) قضاء أو واجبة أو نفلا أو (على جنازة وسجدة تلاوة وسهو) (مع شروق) (واستواء)
(وغروب ، إلا عصر يومه) فلا يكره فعله لأدائه كما وجب''۔
واللہ تعالٰی اعلم بالصواب
دارالافتاء الاخلاص،کراچی
Auqaat e mamnua mein namaz parhna, padhna, Oqat, Auqat, Mamnu, Auqat-e-Namaz, Makrooh Auqat,
Praying at forbidden timings, restricted times, The forbidden prayer times