سوال:
مفتی صاحب! ہمارے مسجد کے امام صاحب نے مغرب کی نماز میں پہلی رکعت میں کسی سورت کی درمیان والی تین چار آیتیں پڑھ کے دوسری رکعت میں سورہ فلق پڑھی تو کیا ایسی صورت میں نماز مکروہ ہوگی؟ برائے کرام جواب عنایت فرمائیں۔
جواب: واضح رہے کہ نماز کی پہلی رکعت میں ایک سورت کے شروع، درمیان یا آخر سے پڑھنا اور دوسری رکعت میں دوسری سورت کے شروع، درمیان یا آخر سے پڑھنا صحیح قول کے مطابق بلا کراہت درست ہے، البتہ بہتر یہ ہے کہ بلا ضرورت اس طرح نمازوں میں قراءت نہ کی جائے، لہذا پوچھی گئی صورت میں نماز بلا کراہت ہوگئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (546/1، ط: الحلبي)
وكذا لو قرأ في الأولى من وسط سورة أو من سورة أولها ثم قرأ في الثانية من وسط سورة أخرى أو من أولها أو سورة قصيرة الأصح أنه لا يكره، لكن الأولى أن لا يفعل من غير ضرورة. اه.
واللہ تعالیٰ أعلم بالصواب
دار الافتاء الاخلاص،کراچی