عنوان:
لاہور چھوڑ کر ملائشیا میں مستقل رہائشی کا لاہور آنے پر قصر نماز کا حکم(3276-No)
سوال:
السلام علیکم، مفتی صاحب ! ایک بھائی جو اپنے بیوی بچوں کے ساتھ ملائیشیا میں رہتے ہیں اور ان کے والدین کی رہائش لاھور میں ہے، چار ماہ کے لیے تبلیغی جماعت میں پاکستان آئے ہیں، اگر رائیونڈ میں قیام کے دوران کسی وجہ سے ان کی جماعت کی نماز نکل جائے تو یہ انفرادی طور پر پوری نماز پڑھیں گے یا قصر کریں گے؟
جواب: صورت مسئولہ میں اگر وہ لاہور کو بالکلیہ چھوڑ کر اپنے اہل و عیال سمیت مستقل طور پر ملائشیا منتقل ہو چکے ہیں، اور ملائشیا کی مستقل شہریت بھی حاصل کرلی ہے، تو ایسی صورت میں لاہور ان کا وطن اصلی شمار نہیں ہوگا، لہذا اب اگر وہ پندرہ دن سے کم وقت کے لئے لاہور آئیں گے، تو اس صورت میں قصر نماز ادا کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (مطلب فی الوطن الاصلی و الاقامۃ، 586/1)
الوطن الاصلی ہو موطن ولادتہ او تاہلہ او توطنہ یبطل بمثلہ اذالم یبق لہ بالاول اہل فلو بقی لم یبطل بل یتم فیہا
المحیط البرھانی: (401/2)
’’ومن حکم الوطن الأصلي أن ینتقض بالوطن الأصلي؛ لأنه مثله والشيء ینتقض بما هومثله حتی إذا انتقل من البلد الذي تأهل به بأهله وعیاله وتوطن ببلدة أخری بأهله وعیاله لاتبقی البلدة المنتقل عنها وطناًله‘‘.
و فیہ ایضا: (388/2)
’’ولابد من معرفتها؛ لأن السفر یبطل بالإقامة، فنقول: أدنی مدة الإقامة عندناخمسة عشریوماً … وعندنا مالم ینو الإقامة خمسة عشر یوماً لایتم الصلاة‘‘ …
واللہ تعالٰی اعلم بالصواب
دارالافتاء الاخلاص،کراچی
Lahore choor kar malaysia mein mustaqil rihaishi ka lahore aanay par qasar namaz ka hukam, hukm, chor, ker, main, permanent, rihaish, bairoon mein mustaqil rihaish aur qasr namaz,
Ruling on short prayers for a permanent resident in Malaysia after leaving Lahore, Leaving lahore and permanently settled in malaysia and coming to lahore on visit then what will be status of short prayers