سوال:
کیا چاشت کی نماز اشراق کے ساتھ پڑھ سکتے ہیں؟
جواب: واضح رہے کہ احادیث میں اشراق اورچاشت دونوں کیلئے’’صلاةالضحیٰ‘‘ کا لفظ استعمال ہوا ہے۔
اور’’صلاةالضحیٰ‘‘ اس نماز کو کہا جاتا ہے، جو طلوعِ آفتاب کے بعد نصف النہارتک کسی بھی وقت پڑھی جائے، یہی وجہ ہے کہ اگر کوئی شخص طلوعِ آفتاب کے بعد اشراق کی نماز کے ساتھ چاشت کی نماز بھی پڑھ لےتواس کو چاشت کی فضیلت حاصل ہو جائیگی، البتہ فقہاء نے دونوں نمازوں کا بہتراورافضل وقت الگ الگ بتایا ہے، جس کی تفصیل یہ ہے کہ:
جب آفتاب میں اتنی تیزی ہو جائے کہ نظرجمانامشکل ہو تو اشراق کا وقت شروع ہوجاتاہے، اس کا اندازہ بعض حضرات نے طلوع آفتاب سے دس، بارہ منٹ بعد کا لگایا ہے اور نصف النہار تک رہتا ہے اور چاشت کا وقت آفتاب طلوع ہونے سے زوال تک باقی رہتا ہے، لیکن افضل یہ ہے کہ ایک چوتھائی دن گزرنے کے بعد چاشت کی نماز پڑھی جائے۔
نماز اشراق کم از کم دو رکعتیں ہیں اور زیادہ سے زیادہ چار رکعتیں ہیں اور چاشت کم از کم دو رکعت اور زیادہ سے زیادہ بارہ رکعتیں ہیں ۔
واللہ تعالٰی اعلم بالصواب
دارالافتاء الاخلاص،کراچی