سوال:
مفتی صاحب! تین سے چار سال کی چھوٹی بچی اگر گڑیا سے کھیلنے کی ضد کرے تو کیا گڑیا کی آنکھیں چھپا کے یا پینٹ سے کالا چشمہ وغیرہ بنا کر کھیلنے کے لیے دی جاسکتی ہے؟ یا اس کے علاوہ کوئی صورت ممکن ہو تو بتادیں۔
جواب: واضح رہے کہ ایسی گڑیا جس کی شکل وصورت کسی ذی روح جاندار کی طرح ہو اور اس کا چہرہ و دیگر اعضاء ناک، کان اور آنکھیں بالکل واضح ہوں تو ایسی گڑیا کو گھر میں رکھنا اور بچیوں کو کھیلنے کے لیے دینا جائز نہیں ہے، نیز گڑیا کی صرف آنکھیں چھپا دینے سے وہ ممنوعہ صورت سے نہیں نکلتی، البتہ اگر اس کا چہرہ بالکل مسخ کر دیا یعنی مٹا دیا جائے یا اس کا سر بالکل کاٹ دیا جائے تو وہ مجسمے کے حکم سے نکل جائے گی اور ایسی گڑیا سے کھیلنے کی اجازت ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحيح البخاري: (1/ 897، رقم الحدیث: 3225، ط: البشریٰ)
عن عبيد الله بن عبد الله: أنه سمع ابن عباس رضي الله عنهما يقول: سمعت أبا طلحة يقول: سمعت رسول الله صلى الله عليه وسلم يقول: لا تدخل الملائكة بيتا فيه كلب ولا صورة تماثيل.
مرقاة المفاتيح: (7/ 2848، ط: دار الفکر)
قال أصحابنا وغيرهم من العلماء: تصوير صورة الحيوان حرام شديد التحريم، وهو من الكبائر لأنه متوعد عليه بهذا الوعيد الشديد المذكور في الأحاديث، سواء صنعه في ثوب أو بساط أو درهم أو دينار أو غير ذلك، وأما تصوير صورة الشجر والرجل والجبل وغير ذلك، فليس بحرام.
حاشية ابن عابدين: (1/ 648،ط:سعید)
(أو مقطوعة الرأس أو الوجه)۔۔۔وقيد بالرأس لأنه لا اعتبار بإزالة الحاجبين أو العينين لأنها تعبد بدونها وكذا لا اعتبار بقطع اليدين أو الرجلین۔
واللّٰه تعالٰی اعلم بالصواب
دارالافتاء الاخلاص، کراچی