سوال: السلام علیکم، مفتی صاحب ! کیا عورتوں کا بالوں کو گردن سے اوپر باندھ کر نماز پڑھنے سے ان کی نماز پر کوئی اثر پڑے گا؟

جواب: عورتوں کا سر کے بالوں کا جوڑا اس طرح باندھنا کہ سارے بال جمع کرکے سر کے اوپر جوڑا باندھیں، یہ شکل جوڑا باندھنے کی ناجائز ہے، خواہ نماز کے باہر ہو یا نماز کے اندر، کیوں کہ اس طرح بال باندھنے پر حدیث میں وعید آئی ہے۔
تاہم اگر کسی نے اس طرح جوڑا باندھا اور نماز کی حالت میں وہ بال ڈھکے ہوئے تھے تو نماز ادا ہوجائے گی، لیکن عورت کا اس طرح نماز پڑھنا کراہت سے خالی نہیں ہے۔
واضح رہے کہ جوڑے کی ایسی شکل کہ گدی پر جوڑا باندھا جائے یہ جائز ہے، بلکہ حالت نماز میں افضل ہے، کیونکہ نماز میں لٹکے ہوئے بالوں کا چھپا ہونا ضروری ہے،اور اس سے بالوں کے پردہ میں سہولت زیادہ ہوتی ہے۔