سوال: مفتی صاحب ! اگر سلام پھیر کر ذکر میں مشغول ہوگئے اور یاد آیا کہ سجدہ سہو یا رکعت باقی ہے تو اس کو مکمل کر سکتے ہیں؟ اور سجدہ سہو دونوں صورتوں میں کفایت کر جائے گا؟

جواب: کسی شخص نے بھولے سے سلام پھیر دینے کے بعد نماز کے منافی کوئی کام نہ کیا ہو اور سینہ قبلہ سے نہ پھیرا ہو، بلکہ اسی حالت میں بیٹھا ہوا ہو تو اگر اس کے ذمہ سجدہ سہو باقی ہو تو اس سلام پھیرنے سے وہ نماز سے خارج نہیں ہوتا ہے، لہذا سلام پھیرنے کے بعد دو سجدے کرکے التحیات، درود شریف اور دعا پڑھ کر سلام پھیر دے، نماز ہو جائے گی۔