سوال: السلام علیکم، مفتی صاحب! فجر کی نماز پڑھتے ہوئے سورج نکل جائے تو نماز قضا ہو جاتی ہے، اور عصر کی نماز پڑھتے ہوئے سورج نکل جائے تو نماز ادا ہو جاتی ہے، پوچھنا یہ تھا کہ بقیہ نمازوں کا حکم فجر والا ہے یا عصر والا ہے؟

جواب: واضح رہے کہ مندرجہ ذیل نمازوں کے دوران اگر نماز کا وقت نکل جائےتو وہ نماز ادا نہیں ہوتی، بلکہ اس کی قضا کرنا لازم ہوتا ہے: ( ١) فجر کی نماز پڑھتے ہوئے سورج طلوع ہو جائے(٢) عید کی نماز پڑھتے ہوئے زوالِ شمس ہو جائے(٣) جمعہ کی نماز پڑھنے کے دوران عصر کا وقت داخل ہو جائے، البتہ اگر عصر کی نماز پڑھتے ہوئے سورج غروب ہوگیا تو نماز مکروہ ادا ہوگی، لیکن عصر کی نماز ادا سمجھی جائے گی۔بقیہ نمازوں (ظہر، مغرب اور عشاء) ان کے پڑھنے کے دوران اگر وقت نکل جائے تو وہ نماز ادا سمجھی جائے گی۔