سوال: حضرت ! اگر عصر کی نماز قضا ہو جائے تو کیا مغرب کا ٹائم داخل ہونے پر پہلے عصر پڑھی جائے یا مغرب ؟ نمازی زیادہ تر اکیلا ہی ہوتا ہے۔

جواب: واضح رہے کہ اگر مذکورہ شخص صاحبِ ترتیب(جس کے ذمہ چھ  یا اس سے زیادہ نمازیں بلوغ کے بعد سے باقی نہ ہوں ) ہو تو اس کے لیے  قضا نماز کو وقتی فرض نماز سے پہلے ہی ادا کرنا لازم ہے، اور اگر اس کے ذمہ چھ نمازیں یا اس سے زیادہ  بلوغ کے بعد سے باقی ہوں اور صاحبِ ترتیب نہ ہو تواگر موجودہ نماز پہلے پڑھ لے اور قضا شدہ نماز بعد میں پڑھے تو اس کی بھی گنجائش ہے، اور عصر کی قضاء پہلے پڑھے اورمغرب کی بعد میں پڑھے تو اس کی بھی گنجائش ہے۔