سوال: السلام علیکم، مفتی صاحب ! کیا فوت شدہ شخص کی قضاء نمازوں اور روزوں کا فدیہ دیا جا سکتا ہے؟

جواب: واضح رہے کہ اگر کسی شخص کا انتقال ہوجائے، اور اس کے ذمہ قضا نمازیں اور روزے باقی ہوں، اور اس نے فدیہ ادا کرنے کی وصیت کی ہو، تو ورثاء پر لازم ہوگا کہ اس کے ایک تہائی ترکہ میں سے نمازوں اور روزوں کا فدیہ ادا کریں، اور اگر اس نے وصیت نہیں کی ہو، تو ورثاء پر فدیہ ادا کرنا لازم نہیں ہے، البتہ ورثاء اگر میت کی طرف سے فدیہ ادا کرنا چاہیں، تو ورثاء کے ادا کرنے سے فدیہ ادا ہوجائے گا، اور یہ میت پر بڑا احسان ہوگا۔