سوال: السلام علیکم، مفتی صاحب ! اگر ظہر کی چار سنتوں میں آخری چار سورتیں یعنی سورہ لہب، اخلاص، فلق اور ناس پڑھ لی جائیں، تو کیا اگلے چار فرض میں اس سے پچھلی سورتیں یعنی سورہ فیل، قریش، کوثر، اور کافرون پڑھ سکتے ہیں؟

جواب: واضح رہے کہ فرض اور سنت کی تمام رکعات میں سورتوں کی ترتیب کا خیال رکھنا ضروری نہیں ہے، بلکہ صرف فرض نماز کی رکعات میں سورتوں کی ترتیب کا خیال رکھنا ضروری ہے، اور سنتوں میں افضل ہے، لہٰذا صورت مسئولہ میں سنتوں میں پڑھی جانے والی سورتوں سے اگلی یا پچھلی والی سورتیں فرض نماز میں پڑھنے سے ترتیب میں کوئی خرابی لازم نہیں آئے گی۔