عنوان:
کس قسم کا لباس پہننا چاہیے؟(3853-No)
سوال:
السلام علیکم، مفتی صاحب! لباس کے بارے میں دریافت کرنا تھا کہ مسلمانوں کو کس قسم کا لباس پہننا چاہیے؟ ذرا تفصیل سے آگاہ فرمادیں۔
جواب: واضح رہے کہ لباس جس قسم کا بھی پہنا جائے، جائز ہے، بشرطیکہ اس میں درج ذیل امور سے احتراز کیا جائے۔
1)۔اس میں اسراف اور تبذیر نہ ہو ۔
2)۔فخر وتکبر اور دکھلاوا مقصود نہ ہو۔
3)۔اس میں کافروں اور فاسقوں کی مشابہت اختیار نہ کی گئی ہو۔
4)۔مردوں کا لباس عورتوں کے، اور عورتوں کا لباس مردوں کے مشابہ نہ ہو۔
5)۔لباس اتنا تنگ اور باریک نہ ہو کہ اس سے بدن یا بدن کی بناوٹ نمایاں ہوتی ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
تکملۃ فتح الملہم: (کتاب اللباس، 88/4)
وأما ما یقصد بہ الخیلاء والکبر أو الأشر والبطر أو الریاء فہو حرام۔
و فیھا ایضاً: (أول کتاب اللباس و الزینۃ، 88/4)
فمن مقدمۃ ہٰذہ المبادي: أن اللباس یجب أن یکون ساترًا لعورۃ الإنسان …، فکل لباس ینکشف معہ جزء من عورۃ الرجل والمرأۃ، لا تقرہ الشریعۃ الإسلامیۃ …، وکذلک اللباس الرقیق أو اللاصق بالجسم الذي یحکي الناظر شکل حصۃ من الجسم الذي یجب سترہ، فہو في حکم ما سبق في الحرمۃ، وعدم الجواز، … والمبداء الثالث: أن اللباس الذي یتشبہ بہ الإنسان بأقوام کفرۃ لا یجوز لبسہ لمسلم إذا قصد بذلک التشبہ بہم۔
واللہ تعالٰی اعلم بالصواب
دارالافتاء الاخلاص،کراچی
Kis, kisam, qisam, ka, libaas, libas, pehanna, pehnna, chahiay, chahie,
What kind of dress should be worn, type, preferred, liked