سوال: مفتی صاحب ! کرونا وائرس کی وجہ سے مؤذن اذان حی علی الصلاۃ کے بجائے صلوا فی رحالکم کہے تو خود نماز کہاں پڑھے گا؟

جواب: اگر وبا یا تیز بارش کی وجہ سے مسجد تک پہنچنا بہت دشوار ہو، تو مسجد میں آکر جماعت میں شامل ہونا ضروری نہیں ہے، گھر میں ہی جماعت کے ساتھ یا انفرادی طور پر نماز ادا کرسکتے ہیں، لیکن ان اعذار کی وجہ سے مسجد میں جماعت موقوف نہیں رہے گی، جماعت بہرحال ہوگی، اور جو لوگ مسجد کے قریب رہتے ہیں، وہ نماز کے لیے مسجد میں آئیں گے، لہذا مؤذن بھی مسجد میں ہونے کی وجہ سے مسجد میں ہی نماز ادا کرے گا۔