سوال: السلام علیکم، مفتی صاحب ! حکومت کی جانب سے جمعہ اور عام نمازوں پر پانچ افراد سے زیادہ کے اجتماع پر پابندی ہے، ایسی صورت میں اگر پانچ سے زیادہ افراد جمعہ یا دیگر نمازوں میں شریک ہوں، تو کیا ان کی جمعہ اور دیگر نمازیں ادا ہوجائیں گی یا ان لوگوں کو جمعہ پڑھ کر گھر میں دوبارہ ظہر بھی پڑھنا ہوگی؟

جواب: واضح رہے کہ موجودہ وبا (کرونا وائرس) کی وجہ سے حکومت نے محدود افراد سے زیادہ لوگوں کو جمعہ اور جماعت میں شرکت سے منع کیا ہے، اگر لوگ اس کی پابندی کریں تو بہتر ہے۔
جو حضرات اس پابندی کی وجہ سے جمعہ اور جماعت میں شریک نہیں ہوں گے، وہ شرعاً معذور ہیں، ایسے لوگ اپنی اپنی جگہوں پر حتی الامکان جماعت کے ساتھ، ورنہ انفرادی طور پر ظہر کی نماز ادا کریں، البتہ کچھ لوگ ظہر کے بجائے جمعہ کی نماز پڑھ لیں تو ان کی نماز ادا ہوجائے گی اور دوبارہ ظہر پڑھنے کی ضرورت نہیں ہے۔